كود سبور//

كايوجدو السنغال لاستقبال المشجعين السنغاليين الثلاثة اللي خرجو من الحبس بعدما دوزو عقوبتهم السجنية بعدما تحكمو فالرباط حيث شاركو فشغب فينال كاس افريقيا 2025 فتيران مولاي عبد الله بالرباط.

وحسب جريدة senenews السنغالية، فالثلاثة مشجعين السنغاليين غادي يوصلو للسنغال يوم الخميس الجاي، وهذا الشي بعدما دوزو العقوبة السجنية كاملة ديال ثلاثة اشهر فحبس العرجات، وخرجو يوم 18 أبريل 2026.

للإشارة مازال 15 سنغالي من المشجعين اللي تحكمو فأحداث شغب نهائي كاس إفريقيا 2025، فيهم 6 محكومين بـ6 شهور د الحبس و 9 منهم محكومين بعام.