الرئيسية > كود سبور > السنغال تأهلت لثمن نهائي كأس العالم بعد 20 عام ديال الانتظار ودازت هي وهولندا
29/11/2022 17:07 كود سبور

السنغال تأهلت لثمن نهائي كأس العالم بعد 20 عام ديال الانتظار ودازت هي وهولندا

السنغال تأهلت لثمن نهائي كأس العالم بعد 20 عام ديال الانتظار ودازت هي وهولندا

كود سبور//

تأهلت السنغال لثمن نهائي كأس العالم قطر 2022، اليوم الثلاثاء من بعدما ربحت الاكوادور بنتيجة 2 الأهداف لواحد فالجولة الثالثة من البطولة ودازت هي وهولندا للدور الثاني اللي حتى هي ربحت قطر هاد العشية.

ونجحت السنغال فتسجيل الهدف الأول مع نهاية الشوط الأول من بيلانتي ماركاه وإسماعيلا سار، وفالشوط الثاني رجعت الإكوادور بالنتيجة وجابت التعادل وماركاه ليها مويسيس كايسيدو فالدقيقة 68، ولكن السنغاليين بقاو مركزين وضربو وراها هدف الرباح بجوج دقيق عن طريق كاليدو كوليبالي.

وبهاد الرباح تأهلت السنغال للمرة الثانية فتاريخها لثمن نهائي كأس العالم، من بعد 20 عام ديال الغياب حيث كانت أول واخر مرة فمونديال 2002 مع أليو سيسي المدرب ديالها دابا وحاجي ديوف والجيل اللي كان معاهم.

وبخصوص نفس لكروب دازت هولندا للدور الثاني حتى هي من بعدما ربحت قطر فنفس التوقيت بنتيجة 2 لزيرو، ماركاهم كودي جاكبو فالدقيقة 26 وديونك فالدقيقة 49.

وتصدرت هولندا الترتيب النهائي ديال لكروب 1 برصيد 7 النقاط، والسنغال هي الثانية برصيد 6 النقاط، والكوادر الثالثة برصيد 3 النقاط والتقصات هي وقطر صاحبة المركز الأخير بصفر نقطة.

موضوعات أخرى

29/01/2023 00:00

ماتت وما تسوق ليها حد.. بوليس بريطانيا لقا هيكل عظمي ديال امرا كانت مريضة وبعيدة على عائلتها

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب