كود سبو//

صدم السنغالي مباي نيانگ الوداديين بعدما تفارق مع الفريق ديالهم قبل اسابيع، ووقع مع فريق عندو بلاصتو فالقسم الاول من بطولة الطاليان.

ويتعلق الأمر بفريق سامبدوريا الطالياني اللي أعلن قبل لحظات من اليوم الاربعاء، انه تعاقد من المهاجم السابق للوداد الرياضي، السنغالي نيانگ مباي، اللي تفارق مع الفريق الأحمر بالتراضي.

وكان نيانگ مباي جا للوداد الرياضي الصيف الماضي، وما لعبش بزاف مع الفريق الأحمر اللي كانوا معولين انه يعطي الإضافة للهجوم، قبل ما يتافقو معه على الفراق بالتراضي.