كود سبور//

يقدر يكون ماتش أميكال بين المنتخب الوطني المغربي ومنتخب السنغال، ما بين دجنبر الحالي ويناير الجاي، وهذا الشي حسب ما كشفت عليه وسائل إعلام سنغالية.

وقال موقع “wiwsport” السنغالي، أن الجامعة الملكية المغربية لكرة القدم والاتحاد السنغالي للعلبة، كاينيگوسيو باش المنتخبين المغربي والسنغالي يلعبو ماتش أميكال ما بينهم، الفترة ما بين 23 دجنبر 2024 و3 يناير 2025، وهي الوقت اللي كاتكون فيها الكورة واقفة بأوروبا بسبب العطلة ديال الشتا.

نفس المصدر وضح أن الماتش أميكال بين المغرب والسنغال إلى تقرر يتلعب بين الطرفين، فغايتلعب ففرنسا باش يكون ساهل يتنظم.