كود كازا ///

نفى محمد السلهامي عضو اللجنة المؤقتة السابقة للمجلس الوطني للصحافة ان يكون هو وباقي الاعضاء السابقين تلقاو تعويضات بعد انتهاء مهاهم فاكتوبر 2025، وقال فتصريح ل”كود” باللي باش سالات مهام اللجنة درنا رسالة للرئيس انذاك يونس مجاهد باش توقف التعويضات. واكد ل”كود” :ما كناخذ والو وما عمرنا خذينا من داك الشهر”

مصدر ل”كود” اكد باللي بعد ما سالات مهمتهم فاكتوبر 2025 تلقاو تعويضات واضافت مصادر “كود” باللي كانت مسطرة فاداء التعويضات بين المجلس وبين الخزينة العامة وباللي هاد المسطرة ما يمكنش تتوقف بشكل تلقائي وعليه تخلصو بعد اكتوبر 2025. هاد القضية حسب مصادر “كود” ماشي “غير قانونية” بل “غير اخلاقية” ايلى خذاو درهم واحد بعد انتهاء مهاهم

وحسب مصادر “كود” فالتعويضات بقات حتى بعد انتهاء مهام اللجنة المؤقتة السابقة. شحال واش شهر او اشهر. وشكون الاعضاء اللي بقاو يستافدو واش كلشي ولا غير وحدين قلال. كاين روايات متضاربة.

دابا كاينة لجنة جديدة بدات خدمتها البارح الاثنين 27 يوليوز. من الملفات اللي كاينة فتبادل السلطات بين القاضي جابر والرئيس السابق يونس مجاهد كاين اللي متعلق بالكونطابيليتي. فيه غادي يبان كلشي بوضوح.