كود – الرشيدية///

خرجات الأمانة العامة لحزب العدالة والتنمية ببلاغ كتقول فيه أنها تلقات باستغراب كبير واستياء شديد ما أقدم عليه باشا الرشيدية بخصوص “منع” لقاء تواصلي كان البي جي دي باغي يديرو مع الناس فقاعة فلسطين.

هاد اللقاء كان غادي يكون حول حصيلة منتصف ولاية المجلس الجماعي الحالي فهاد المدينة، والسلطات ديال الرشيدية قالت باللي هاد المنع جا بسبب. عدم توفر الحزب على قاعة جد ملائمة لاستقبال مثل هاد النشاط ووجود منتخبين من المصباح يعبرون عن تصوراتهم حول النقط المعروضة للمداولة طبقا للقانون والنظام الداخلي للمجلس الجماعي بكل حرية خلال جميع دورات المجلس الجماعي.

وأوضحت السلطات أن طلب عقد هاد اللقاء من شأنه أن يؤدي لتسخير أدوات الدولة والجماعة لأغراض انتخابوية صرفة، مؤكدة أنها ترجح التأثير على النظام العام لكون الدعوة هاد اللقاء مفتوحة للعموم.

وقالت الأمانة العامة للحزب، أن هاد القرار وهاد التبريرات كتشكل خرق واضح لمقتضيات الدستور والقوانين ذات الصلة بالأحزاب السياسية والحريات العامة، وكتمس بدولة الحق والقانون، وكترجعها لزمن ظهير كل ما من شأنه. حسب تعبيرها.