الرئيسية > آش واقع > السلطات فجرادة مددات العمل بالاجراءات الاحترازية بسباب كورونا
29/09/2020 13:50 آش واقع

السلطات فجرادة مددات العمل بالاجراءات الاحترازية بسباب كورونا

السلطات فجرادة مددات العمل بالاجراءات الاحترازية بسباب كورونا

عفراء علوي محمدي- كود//

قررات السلطات المحلية فجرادة، اليوم الثلاثاء، تمدد مهلة العمل بالإجراءات الاحترازية للحد من انتشار فيروس كورونا المستجد فالإقليم حتى ل6 أكتوبر الجاي.

وحسب بلاغ ليها، فهذ القرار جا بعد اجتماع تدار لتقييم الوضعية الوبائية فالمدينة، بحيت تم الاستنتاج أن عدد الحالات دالإصابة مازال كتعرف ارتفاع ملحوظ.

ورخصة التنقل لجرادة وبرا منها إلزامية، مع منع جميع التجمعات فالفضاءات العمومية والأفراح والمناسبات، كيف غاتبقى ملاعب القرب وليصال والحدائق العمومية مسدودة، والحوانت والمحلات التجارية والقهاوي والريسطورات غيسدو مع ال10.

ومازال جزء كبير من أحياء “المجهز” و”اولاد سيدي علي” و”المسيرة” مسدودين، من بعد ما كانو عرفو انتشار بؤر وبائية، ومازال كَاع الصالونات والحمامات فيهم مسدودين، والمطاعم والحوانت كيسدو مع 8، وممنوع التنقل من هذ الأحياء لأحياء خرين أو الدخول ليها.

موضوعات أخرى

21/10/2020 21:30

بعد لقاء أمانة البي جي دي”.. قيادي لـ”كود”: مايمكنش نتنازلو على القاسم الانتخابي لأنه كيضرب سيادة الأمة والملكية فالمغرب مع الأحزاب وماشي ضدها

21/10/2020 21:00

أنس الباز دار البوز بعقيقة بنتو.. ووضح: البوليس ماستدعاونيش واحتارمت گاع التدابير الوقائية ضد كورونا- غير هو التصاور والفيديوهات كيبينو العكس