وكالات//  الصورة: كيم هي سو رئيس بلدية جيندو

قدّمات السلطات المحلية فكوريا الجنوبية اعتذار على الهضرة اللي قالها واحد المسؤول ديالهم هادي أيام، ملي قال خاصهم “يستوردو عيالات” باش يطلّعو معدل الإنجاب.

وكان كيم هي سو، رئيس بلدية جيندو، اقترح الأسبوع اللي فات باللي القرى البعيدة فبلادو يقدرو “يجيبو” عيالات من فيتنام ولا سريلانكا باش يتزوجوهم.

هاد التصريحات خلقات استنكار كبير فالصحافة المحلية ودارَت توتر دبلوماسي. وسائل إعلام محلية قالت باللي سفير فيتنام فـسيول دار شكاية رسمية.

وفنهاية الأسبوع، السلطات المحلية فـجيولا الجنوبية (فين كاينة منطقة جيندو) قدّمات الاعتذار ديالها على داك الشي اللي قال المسؤول.