كود سبور//

تقرر السماح لجمهور حسنية أكادير بالتنقل إلى مدينة المحمدية، لحضور ماتش الفريق ديالو اللي غايكون فيه ضيف على فريق الفتح الرياضي، غدا الخميس برسم الدورة 28 من البطولة الاحترافية.

وحسب ادارة الفتح الرياضي اللي مستقبل ماتش فتيران البشير بالمحمدية ضد حسنية أكادير مع 8 الليل، تم تخصيص 300 تذكرة لجمهور الفريق السوسي، بقرار من السلطات المحلية.

وكانت غابت جماهير حسنية أكادير فالماتش اللي فات ملي استقبل فريقها اولمبيك اسفي فتيران برشيد يوم الاحد الماضي برسم الدورة 28 من البطولة الاحترافية، وكانو تشدو شي عناصر من جمهور الحسنية فالماتش اللي كان قبل ضد الرجاء الرياضي فستاد دونور، ومتهمين بتخريب طواليطات وكراسا ستاد دونور.