كود اولاد عزوز ///
فمراسلة عند “كود” نسخة منها، لشركة “رجب 10” ديال البيبان، لممثلي الإجراء تخبرو باللي الشركة غادية تسد.
المراسلة اللي موضوعها “إلغاء الرخصة ووقف الأنشطة بجميع مصالح الشركة من طرف السلطات المحلية”، فيها أن جماعة اولاد عزوز ضواحي كازا راسلات يوم 10 يوليوز الأخير باللي تم إلغاء رخصة ممارسة النشاط ووقف جميع أنشطة الشركة من طرف السلطات المحلية ابتداء من تاريخ التوصل بالمراسلة “بصفة مؤقتة” في انتظار ما سمته الإدارة “تسوية المشكل العالق مع السلطات المحلية”.
الشركة أخبرت مستخدميها باللي غادية دير جميع المساطر القانونية المتاحة لإلغاء القرار.”
القضية فيها وفاة طفل فحوض مائي حدا الشركة هو بإشراف الشركة الجهوية المتعددة الاختصاصات واللي مكلف بيها رجل الداخلية يوسف التازي.
من غير أن القرار ضد دولة الحق والقانون، فللي خاصو يوقف نشاط شركة سواء مخدمة عشرة او 500 بحال هادي، هو القضاء ماشي القايد أو الباشا أو العامل.
دابا كيفاش شي حد فالسلطات المحلية يقدر يضرب استثمار مخدم 500 واحد فوقت كلشي مضارب باش البطالة تنقص.
راه كاين القانون. ايلى كان تقصير من الشركة القضاء اللي خاصو يحسم.
فهاد الحالة راه التازي الضعيف فتكوينو وصاحب تجارب فاشلة قبل، هو المسؤول الأول. هاداك الحوض تابع ليه وحتى ايلى كان ما محروسش فمسؤولية مصالحو.