الوالي الزاز -كود- العيون////

[email protected]

كشفات تقارير إخبارية فرنسية، أن السلطات الفرنسية منعت مناصرين لجبهة البوليساريو من تنظيم مظاهرة في مدينة بريسوار.

وقالت المصادر، بللي السلطات الفرنسية منعات مناصرين البوليساريو من التظاهر أو التجمع نهار 11 ماي الماضي على مستوى ساحة سان جاك في مدينة بريسوار.

هاد المظاهرة ديال مناصري البوليساريو كانت غادي دار احتفالا بمرور 51 سنة على تأسيس البوليساريو، ولمطالبة الحكومة الفرنسية باش تراجع موقفها من نزاع الصحراء.

وكيجي هاد المنع فإطار تلافي أي مساس بالأمن العام، وكذا التخوفات اللي كاينة من مواجهة مباشرة بين أنصار البوليساريو والجالية المغربية فبريسوار وإمكانية تطورها، خاصة وأن الجالية المغربية علنات حتى هي عن تنظيم مظاهرة مناوئة للبوليساريو نهار السبت.