كود سبور//

سدات السلطات السويدية قضية الاشتباه في اعتداء الفرنسي كيليان مبابي نجم ريال مدريد الإسباني، جنسيا على سيدة بستوكهولم السويدية حيت الأدلة ما كايناش.

ووضح مكتب المدعي العام بالسويد، في بلاغ اليوم الخميس، بلاما يذكر اسم كيليان مبابي، أن التحقيق في قضية الاغتصاب اللي كانت ضد لاعب ملي كان في زيارة لستوكهولم في شهر أكتوبر تسد حيث ما كايناش أدلة كافية.

وحسب المدعي العام، فالأدلة غير كافية لمواصلة التحقيق، اللي تسد، وما تعلمش الشخص اللي كان عليه التحقيق بأنه مشتبه فيه بارتكاب جريمة.

وحسب الإعلام السويدي، فالقضية بدات يوم الخميس 10 أكتوبر الماضي، ملي كان كيليان مبابي فواحد الأوطيل بمدينة ستوكهولم، ومن وراها تقدمت سيدة بشكاية إلى السلطات يوم 12 أكتوبر، تتهم فيها مبابي بالاعتداء عليها جنسيا ولكن القضية ما خداتش أبعاد كبيرة.