الرئيسية > كود سبور > السلامي: بنحليب عندو التوني وهو لي خاصو يدافع عليه.. مدرب شبيبة القبائل: حنا واجدين للرجا وخاصنا نردو الاعتبار للأندية الجزائرية
10/01/2020 00:01 كود سبور

السلامي: بنحليب عندو التوني وهو لي خاصو يدافع عليه.. مدرب شبيبة القبائل: حنا واجدين للرجا وخاصنا نردو الاعتبار للأندية الجزائرية

السلامي: بنحليب عندو التوني وهو لي خاصو يدافع عليه.. مدرب شبيبة القبائل: حنا واجدين للرجا وخاصنا نردو الاعتبار للأندية الجزائرية

مصطفى الشاذلي – كود سبور//

جمال السلامي، مدرب الرجاء البيضاوي، أكد أنه قرر يرجع محمد بنحليب للفرقة، بناء على رغبة مجموعة من اللعابة الأساسيين.

وأضاف السلامي فالندوة الصحافية اليوم الخميس، أن بنحليب لاعب متميز وعندو إمكانيات جيدة، وخاصو يستغلها بشكل جيد.

السلامي أكد بلي بنحليب عندو فرصة مهمة باش يبرز إمكانياته الفنية والبدنية، “عيطنا على بنحليب لهاد الماتش ديال شبيبة القبائل الجزائر، لحقاش عندنا غيابات كثيرة اولا وكذلك باش يبرز إمكانياته ثانيا”.

السلامي طلب من بنحليب يركز ويزيد يخدم وينضبط أكثر “التوني عندو وهو لي خاصو يدافع عليه”.

الرجاء البيضاوي غادي يكون فمهمة صعبة أمام شبيبة القبائل الجزائري غدا الجمعة ضمن الجولة الرابعة من منافسات دوري ابطال إفريقيا.

من جانبه، أكد هوبير فيلود، مدرب شبيبة القبائل الجزائري، أن فريقو واجه الماتش ديال الرجا، بعدما استعد بكيفية جيدة.

وأكد المدرب الفرنسي أن شبيبة القبائل خاصو يربح الرجاء البيضاوي باش يرد الاعتبار للأندية الجزائرية، لي خسرات بزاف ديال الماتشات كونتر نظيرتها المغربية.

هوبير فيلود أكد بلي هاد الماتش كيختلف بزاف على ماتش ديال كازا بلانكا، لحقاش شبيبة القبائل غادي يلعب كونتر جماهيره وبملعبه.

الرجاء فاز على شبيبة القبائل الجزائر غدا الجمعة بملعب 1 نونبر بمدينة “تيزي وزو” الجزائرية، بداية من الساعة الخامسة مساء بتوقيت المغرب

موضوعات أخرى

18/01/2020 20:30

إمام جامع وصف اللي كايخلي مراتو تسافر بالديوث.. وحاجي لـ”كود”: “النيابة العامة خاصها تحرك مساطر المتابعة ضدو وهادشي عمرو كان فالإسلام”