كود كازا//
هاذ الصباح يونس السكوري وزير الشغل طير إيمان بلمعطي المديرة العامة ديال لانابيك.
السكوري اللي مازال مقالش علاش حيد مديرة معاه فالحزب ودار الكاتبة العامة ديال وزارتو مديرة بالنيابة، مازال مقدرش يلقى شي وصفة تخلي لانابيك تكون اكثر فعالية.
هاذ لانابيك ولات نقطة سوداء فسياسة الحكومة مقدراتش تعطي وصفة مؤسساتية تعاون على تجاوز أعطاب الشغل والتشغيل رغم الملايين اللي كتصرطها الوكالة سنويا وكتسالي فجيوب مكاتب التكوين بلا نفع لضحايا البطالة.
