گود سبور//

اعتبر طارق السكتيوي مدرب المنتخب الوطني المغربي المشارك فـ كاس العرب 2025، المقامة حاليا بقطر، أن المنتخب المغربي خاصو يدخل يقلب على الرباح ضد المنتخب السعودي غدا الاثنين برسم الجولة الثالثة من البطولة، وماشي يقنع بالتعادل اللي حتى هو غايعطيه التأهل.

وخلال الندوة الصحافية اللي كاتسبق ماتش المغرب والسعودية، قال طارق السكتيوي: “أكبر غلط نقدرو نديروه هو نلعبو على نقطة ديال التعادل، وغادي نلعبو الماتش بالطريقة اللي تخلينا نربحو وبلا ضغوطات، وباغيين نربحو ونشرفو الكورة المغربية”.

ومحتاج المنتخب الوطني المغربي غير نقطة واحدة من الماتش ضد السعودية باش يتأهل للدور الثاني من كأس العرب، كثاني المجموعة الثانية، أما المنتخب السعودي فضمن التأهل إلى ربع النهائي.