گود سبور//

ما غاديش يلعب الدولي المغربي أشرف بنشرقي نجم الأهلي المصري مع المنتخب الوطني المغربي فـ الماتشات الجوج الأولين من كأس العرب بسبب الإصابة اللي جاتو فـ ماتش الأهلي والجيش الملكي الجمعة الماضي ضمن دوري أبطال إفريقيا.

وكشف طارق السكتيوي مدرب المنتخب الوطني المغربي المشارك فـ كأس العرب، خلال الندوة الصحافية اليوم الاثنين، واللي كاتسبق الماتش الأول للمغرب فـ البطولة العربية ضد جزر القمر، أن أشرف بنشرقي عندو إصابة غادي تحرمو يلعب الماتش الأول والثاني، ومازال كايتأكدو الصعوبة ديال هاد الإصابة اللي كايعاني منها.

وبهذا تأكد غياب أشرف بنشرقي على ماتش المغرب ضد كل من جزر القمر فـ الجولة الأولى من كأس العرب غدا الثلاثاء، وضد سلطنة عمان يوم الجمعة الجايا ضمن الجولة الثانية، في انتظار التأكد واش غايكون الماتش الثالث ضد منتخب السعودية.