كود سبور//

دافع طارق السكتيوي مدرب المنتخب الوطني المغربي الأولمبي على وليد الركراكي مدرب المنتخب الوطني المغربي الأول، بعدما راج مؤخرا فمنافسات الأولمبياد على أن الركراكي كايدخل له فالخدمة ديالو خصوصا بعدما شداتو الكاميرا وهو مع لاعبين المنتخب الأولي فكولوار التيران فماتش المغرب وإسبانيا فدومي فينال أولمبياد باريس.

وتكلم طارق السكتيوي بعدما توج المنتخب المغربي الأولمبي بالميدالية البرونزية فأولمبياد باريس وقال: “كلنا أنا ووليد فخدمة كرة القدم الوطنية واللي كايهمنا هي هاد الفرحة اللي دخلت على قلوب المغاربة وحنا جنود من أجل الوطن والمهم هو نوصلو للأهداف ديالنا”.