كود سبور//

كشف طارق السكتيوي مدرب المنتخب المغربي الأولمبي، أنه ما كانش ساهل عليه يختار اللاعبين اللي غايشاركو فأولمبياد باريس 2024.

ووضح طارق السكتيوي، خلال الندوة الصحافية اللي علن فيها على لاليست ديال اللاعبين اللي غايشاركو فأولمبياد باريس، أن الاختيار كان صعيب بزاف، حيث عدد من الفرق رفضو يخليو لاعبيهم يشاركو بحال ادم ازنو، وشادي رياض، وابراهيم دياز، وغيرهم.

وأكد طارق السكتيوي أن الاختيار ديالو للائحة كان صعيب، حيث كل مرة كان كايرفض شي نادي طلب استدعاء شي لاعب، كان خاصو يعاود لاليست من الأول باش يضمن الانسجام مع اللاعبين، وأنه ما حسم فاللائحة حتى البارح الأربعاء فالعشية.