كود -وكالات //

دارت وزارة الخارجية المريكانية واحد التنبيه أمني ، كتطلب فيه من المواطنين ديالها يعاودو يفكرو مزيان قبل ما يسافرو لـ  للسعودية، وخصوصاً فالحج ديال 2026.

التنبيه اللي خرج نهار 7 أبريل أكد أن إدارة دونالد ترامب، ومعاه وزير الخارجية ماركو روبيو، كيشوفو أن سلامة وأمن المواطنين الأمريكيين هي الأولوية رقم واحد.

وجا هاد التحدير بسباب الوضع الأمني اللي باقي مرون فالمنطقة، خصوصاً مع احتمالات هجمات بالصواريخ أو الدرونات من طرف إيران،اللي ممكن تستهدف مصالح أمريكية، وزيد عليها اضطرابات كتوقع فحركة الطيران خصوصا إلا سالات الهدنة بلا اتفاق نهائي بين ايران ومريكان.

وزارة الخارجية قالت فالموقع ديالها ” كننصحو المواطنين الأمريكيين يعاودو يفكرو مزيان قبل ما يشاركو فالحج هاد العام“