كود كازا سعيد الشاوي //

عمر السغروشني٬ رئيس اللجنة الوطنية لمراقبة حماية المعطيات ذات الطابع الشخصي معروف فهوسو لكبير بالاعلام. كيدير التخربيق وكينوض يهدر. يدير بيان. باش وصلنا للصح ضرب الطم. وصلنا لقضية قرصنة بيانات “ضمانكم” ديال صندوق الضمان الاجتماعي. سكت. يمكن گالو ليه مع من يهدر. خرجة وحدة فاشلة. سولوه بزاف منهم “كود” وتهرب بطريقة غريبة على قضية كبيرة بزاف.

هاد القضية ديال القرصنة كان تلعب فيها اللجنة الوطنية لمراقبة حماية المعطيات الشخصية دور كبير. فضل هاد المسؤول الفاشل فتدبير هاد القضية٬ يخرج فلقاء مع “”جيتكس إفريقيا المغرب”.

هدر اليوم الاثنين فورشة “نحو رقمنة موثوقة.. بناء السيادة التكنولوجية وإدماج إفريقيا”. علاش؟ ماشي على قرصنة المعطيات الشخصية. للا . هدر على لتخربيق بحال “ارساء منظومة رقمية إفريقية مستدامة يستلزم وضع حماية البيانات الشخصية في صلب الاستراتيجيات في القطاعين العام والخاص، وقال ليك يا سيدي خاص “حكامة رقمية متجذرة في الأخلاق واحترام الحريات الأساسية”

المبادئ الأخلاقية والثقافية هي تخرج تهدر مع لمغاربة على للي وقع لمعطيات شخصية ديالهم.

فشل السغروشني فاهم ملف واجهو من نهار وصل. خاصو يمشي فحالو ايلى ما قادش. بحالو بحال فضيحة صمت وزيرة الانتقال الرقمي وإصلاح الإدارة، أمل الفلاح السغروشني للي كيجمعها سقف واحد معاه