كود – وكالات //

تاهم التحالف اللي كتقودو السعودية فاليمن، الخميس، جماعة الحوثيين بقصف محطة «طيبة» لي كتعطي الضو فالمدينة المنورة، فالسعودية بطيارة درون.

وقال المتحدث باسم قوات التحالف بلي الهجوم وقع مع 5:11 ديال الصباح نهار الثلاثاء 29 شتنبر، كيف وضح أن التحقيقات اللي دارتها الجهات المختصة خلصات بلي الحوثيين هما اللي خططو للهجوم ونفذوه.

وحسب المتحدث، الهجوم تسبب فخروج واحد المطور ديال الضو من الخدمة، كيف وضح أن المحطة مضوي للمسجد النبوي.

ومن جهتو، دان الأمين العام لمجلس التعاون الخليجي، الهجوم، واعتبر أن استهداف منشأة كهربائية كتخدم المسجد النبوي «استفزاز لمشاعر المسلمين».

فالمقابل، نفات جماعة الحوثيين المسؤولية على استهداف محطة الكهرباء فالمدينة المنورة.

ونقلات وكالة «سبأ» التابعة للحوثيين عن مصدر عسكري فوزارة الدفاع أن الاتهامات السعودية «ما عندها حتى أساس من الصحة».