الرئيسية > آش واقع > السعودية حالفة حتى تشوه عراض المغرب. شوهات صورتو بزاف عند دول باش تقنعها تصوت على امريكا وها اش دارت ففطور البارح فلوطيل اللي فيه لمغاربة وها فين فطرو دياولنا
13/06/2018 06:31 آش واقع

السعودية حالفة حتى تشوه عراض المغرب. شوهات صورتو بزاف عند دول باش تقنعها تصوت على امريكا وها اش دارت ففطور البارح فلوطيل اللي فيه لمغاربة وها فين فطرو دياولنا

السعودية حالفة حتى تشوه عراض المغرب. شوهات صورتو بزاف عند دول باش تقنعها تصوت على امريكا وها اش دارت ففطور البارح فلوطيل اللي فيه لمغاربة وها فين فطرو دياولنا

كود موسكو ////

حتى ليلة امس الثلاثاء 12 يونيو 2021 اي ساعات قبل التصويت على الدولة اللي غادية تحتاضن مونديال 2026 اللي ولات فجيب اميركا٬ لعبات الدولة اللي كيعتابروها لمغاربة “شقيقة” دورا حقيرا باش تضرب الملف المغربي. دارت البارح فطور ففندق “ميتروبول” اللي كيطل على الساحة الحمراء وسط العاصمة الروسية موسكو. هاد لفطور ما مشاوش ليه لمغاربة واخا شي وحدين كيقولو ما وصلاتهم الدعوة رسميا. المهم شي وحدين منهم اكدو ل”كود” باللي قطعوها باش عطاوها ليهم السواعدة. لمغاربة اللي كاينين فالوفد ديال مونديال 2026 كلهم صايمين وما حضروش لهاد لفطور. طبعا كانو عارفين باللي عارضين علي الدول الاسلامية باش يدعمو الترشيح الامريكي.

السعودية بقات خدامة مع امريكا حتى البارح واستغلات كلشي باش تجيب اصوات. مصدر ل”كود” من اللجنة قال باللي ماشي غير ما صوتاتش وجابت الاصوات زادت عليهم حتى تشويه صورة المغرب.

طبعا لفطور كان فطابق علوي والتحت فطر جزء من الوفد المغربي فيما الجزء الاخر شي مشى كيخدم وشي فطر برا. التحت فالفندق كانو الامريكيين والكنديين والمكسيكيين دايرين هجوم كاسح. جاو لنفس الفندق باش يجمعو شي اصوات لدرجة ان لمغاربة بقاو مريحين فواحد الطابلة بعد لفطور وما بغاوش يخرجو منها غير باش ما يعطيوش الفرصة لهاد الوفد يبرك حقاش الفضاء صغير.

ليلة بان فيها باللي مريكان رابحة المونديال والمغرب كيتحسر ولكن دور السعودية كان حقير بزاف بزاف بزاف. كلشي غادي يسالي اليوم مع الوحدة بتوقيت موسكو

موضوعات أخرى

11/12/2018 11:28

نديرو شوية لفيكسيون. غاي يمشي حامي الدين للحبس وغادي يستاقل الرميد تتبعها محاكمات بالفساد لشي وحدين فالبي جي دي وتسالي باستقالة بنعرفة

11/12/2018 11:00

كود جابتلكم بالفيديو تفاصيل تفكيك “البسيج” لعصابة مغربية دولية متورطة فتهريب أطنان ديال الكوكايين من أمريكا اللاتينية