عمر المزين – كود///

كتعيش أهم شوارع العاصمة العلمية فاس، التي تتواجد فوق النفوذ الترابي لمقاطعة أكدال، أحداث متكررة للسطو على “الكابلات النحاسية”، مما يتسبب في انقطاع التيار الكهربائي على الساكنة اللي مقبلة دبا على إحداث رياضية عالمية.

وحسب ما كشفت عنه مصادر “كود”، فإن شارع سان لويس قرب، وجزء من زنقة القطار بطريق إيموزار عرفت منذ الأيام الماضية عمليات سطو مدبر بشكل دقيق من مجهول أو مجهولين، وكانت آخر عملية وقعت قبل يومين بالزنقة المذكورة التي تحاذي فيلا مهجورة يعتقد أن شخص يتواجد بها باستمرار له مصلحة في قطع التيار الكهربائي.

وسبق للمصالح الأمنية أن انتقلت إلى مكان الحادث في عدد من المناسبات وفتحت أبحاث بهدف تشخيص هوية الفاعل، غير أن الأمر لا زال يتكرر بشكل يومي، وقال مصدر من داخل الجماعية لـ”كود”: وقتاش ما نبدلو الكابل كيتحيد بالزربة وشي عساس ديال فيلا قريبة من داك الفيلا المجهورة أخبر فرق التدخل أن شخص اعتاد على ارتكاب هذه الأفعال الإجرامية.

دبا خاص الجماعة تشوف شي حل كيفاش تقدم تسد داك الأعمدة الكهربائية. إما يتسوداو او يشدو بشي طريقة غادي يكون فيها الأمر صعيب على المشتبه فيهم باش يحلو العمود. تشوف شي سودور يفك هاد الموصيبة الكحلة حقاش راه مني كيمشي الضو على شي زنقة كيوقعو بعض احداث السرقات، وخاصة زنقة القطار اللي قريب منها السكان ومؤسسات تعليمية ومول هاد الفعلة خاصو يتعرف ويكون عبرة للآخرين.