الرئيسية > آش واقع > السطوك تقاضا وقريب يبداو فالدفعة اللي توصل بيها المغرب اليوم.. غير 530 اللي خداو الجرعة اللولة من الفاكسان ضد كورونا و61 ألف خداو الثانية
19/06/2021 15:30 آش واقع

السطوك تقاضا وقريب يبداو فالدفعة اللي توصل بيها المغرب اليوم.. غير 530 اللي خداو الجرعة اللولة من الفاكسان ضد كورونا و61 ألف خداو الثانية

السطوك تقاضا وقريب يبداو فالدفعة اللي توصل بيها المغرب اليوم.. غير 530 اللي خداو الجرعة اللولة من الفاكسان ضد كورونا و61 ألف خداو الثانية

كود كازا//

فالحصيلة اليومية لفيروس كورونا المستجد اللي علنات عليها وزارة الصحة اليوم السبت 19 يونيو، ففهذ 24 ساعة الأخيرة تقاسو 439، وماتو 4، وفالمجموع 3744 اللي كيتعالجو، وكثر من 60 ألف خداو الجرعة الثانية، بينما غير 530 اللي خداو الجرعة اللولة.

التلقيح:

اليوم تلقحو غير 530 بالجرعة اللولة، ووصل عدد الملقحين بيها ل9375240 فالمجموع، بينما 61682 خداو الثانية، ووصلو هكذا فالمجموع ل8118841.

وهذا كيعني أن جرعات اللقاحات اللي كانت عند المغرب فالسطوك تقاضات، وقريب نبداو فالمليون جرعة اللي توصلنا بيها اليوم من بيكين، واللي كيناهز عددها المليون.

الإصابات:

تقاسو اليوم 439 واحد من أصل 13180 واحد دار التحليلة، ووصل عدد المصابين فالمجموع ل526363.

ومؤشر الإصابة التراكمي وصل ل1446,7 لكل 100 ألف نسمة، بمعدل 1,2 لكل 100 ألف نسمة فهذ 24 ساعة.

حالات الشفاء:

تشافاو اليوم 445، ووصل الإجمالي ل513382، بنسبة تعافي ديال 97,5 فالمية.

الوفيات:

واليوم ماتو 4، واحد فكل من كازا والرباط ومراكش وتطوان، ووصل هكذا عدد الوفيات ل9237، بنسبة فتك ب1,8 فالمية.

الحالات النشيطة والحرجة:

عدد الحالات النشيطة طلع ل3744، وعدد الحالات الحرجة وصل ل202 حالة، 38 تدهورات غير اليوم، و3 تحت التنفس الاختراقي، أما نسبة ملء أسرة الإنعاش بلغات ل6,4 فالمية.

موضوعات أخرى

27/07/2021 21:30

شيافر الطاكسيات فمكناس كاعيين بسباب قرار جوج بلايص.. وشيفور لـ”كود”: مكرفصين ومتضررين ماديا ومول الطاكسي مايعقلش عليك وغيبغي روسيطتو كاملة