وكالات //

كشفات تقارير فرنسية أن واحد من المشتبه فيهم فسرقة جواهر التاج اللي قيمتها كتفوت 88 مليون يورو من متحف اللوفر فباريس، هو نجم فالسوشيال ميديا وكان قبل خدام حارس أمني فمتحف مركز بومبيدو.

البوليس شدوه فدارو فواحد الحومة سميتها أوبرفيليي شمال باريس، وهو عندو 39 عام، وهاد الشي جا من بعد أيام قليلة على السرقة اللي وقعات نهار 19 أكتوبر اللي فات. المتهم كيتواجه مع تهم ديال السرقة المنظمة والتآمر الجنائي.

https://www.tiktok.com/music/son-original-7512609963115268886?referer_url=www.eremnews.com%2Fentertainment%2Fl8ngtfp&refer=embed&embed_source=121374463%2C121468991%2C121439635%2C121749182%2C121433650%2C121404359%2C121497414%2C121477481%2C121351166%2C121811500%2C121896267%2C121860360%2C121487028%2C121331973%2C120811592%2C120810756%2C121885509%3Bnull%3Bembed_song_name

وحسب التحقيقات، ربعة ديال الناس هوما اللي نفّذو عملية السطو، استعملو شاحنة مسروقة فيها سلم كيتطوى باش يوصلو لواحد الشرجم فـالطابق اللول ديال معرض أبولو داخل المتحف.

جوج منهم قدرو يكسرو الشرجم وجوج خزانات زجاجية، وسرقو ثمانية قطع نادرة، منهم عقد ديال الزمرد والألماس كان نابليون الأول هدا لمراتو، وإكليل مرصّع باللؤلؤ والألماس ديال زوجة نابليون الثالث.

جريدة The Guardian قالت إن الأدلة اللي لقات الشرطة فيها الحمض النووي ديال المتهم فوق واحدة من الخزانات، وزيد عليها قفازات وسترة عاكسة وقاطع أقراص اللي تْخلاّو فالمكان.

وحسب نفس التقارير، المشتبه فيه اللي معروف على الإنترنت باسم “دودو كروس بيتوم” (Doudou Cross Bitume)، كان كيدير فيديوهات فـ يوتيوب وتيك توك كيبان فيهم كيسوق دراجات نارية بطريقة احترافية، ومن بينها دراجة ياماها تي ماكس اللي كتيعتاقد أنها هي اللي تستعملات فالجريمة.