كود سبور//
أكد عادل السراج مدرب أولمبيك آسفي أن الفريق ديالو دار ماتش مزيان ضد الرجاء الرياضي فسدس عشر نهائي كأس العرش واخا خسرو وتقصاو، وأنه راضي على اللاعبين والمستوى اللي قدموه.
وهضر عادل السراج بعد خسارة أولمبيك آسفي مع الرجاء بنتيجة 2 لزيرو، وقال: “اللاعبين دارو داكشي اللي خاصو يدار، وما عندي علاش نعاتبهم دارو ماتش مزيان وهادي هي الكورة والبلانتي اللي ضيعنا قلب الماتش، وكيفما يقدر يتماركا راه يقدر يضيع”.
ووضح السراج: “كنا عارفين أن الرجاء عندهم لاعبين بليفور علينا من الناحية التقنية بالكرة، ودرنا الخطة ديالنا باش حتى حنا من ناخدو الكرة ما نرجعوهاش لهم ولكن حتى حنا نلعبو وندافعو ونهاجمو واللاعبين طبقو التعليمات وبرافو عليهم”.
