نجوى المالحي-كود//

نجم الأغنية الشعبية عبد العزيز الستاتي محيح هاد الأيامات بالمسابقات. من بعد مسابقة القرآن لي دار في رمضان، دار دابا مسابقة جديدة كيقلب فيها على شكون كيقلدو حسن في الغنا وضريب الكمانجة.

البارح دار بوسط في صفحتو الرسمية على فيسبوك، وطلب من الناس المهتمين يسيفطو فيديوهات على رقم الواتساب، ومن بعد سيتم نشر الفيديوهات عبر الباج وغايختار 8 ديال المتسابقين حسب نسبة مشاهدة الفيديو والتفاعل.

هادو لي غادي يربحو غادي يشاركو في نصف النهاية يوم 30 يوليوز بمسرح محمد الخامس بالرباط، وغادي تختار اللجنة 4 منهم باش يتأهلو للنهائي يوم 31 يوليوز، وغادي يتم إعلان الفائزين خلال الحفل الختامي.

الستاتي دار تفصيل لكلشي لكن مدواش على الجوائز المخصصة لهاد الفائزين، وهادشي لي خلا المهتمين يسولوه.

https://www.facebook.com/1810636575837638/posts/2465593633675259/