گود سبور//
متقدم المنتخب الوطني المغربي على الگابون فالماتش اللي بادي بيناتهم مساء اليوم الجمعة فتيران مولاي عبد الله فالرباط، ضمن الجولة الاولى من اقصائيات كأس افريقيا 2027.
وسالا الشوط الاول بين المغرب والگابون بنتيجة واحد لزيرو لمصلحة المنتخب الوطني المغربي، وتسناو الأسود حتى الدقيقة 36 فين قدر المدافع نصير مزراوي يماركي هدف التقدم من تسديدة غالطت الگول الگابوني.
وكاتعرف التشكيلة اللي دخل بها الناخب الوطني محمد وهبي غياب اسماء مهمة بحال اشرف حكيمي اللي موعت زائد انه موقف هو واسماعيل الصايباري، وبراهيم دياز اللي موعت حتى هو، حاضرين فالتيران مع الجمهور كايشجعو صحابهم.
