كود سبور//

سالا الشوط الاول من الماتش الودي بين المنتخب الوطني المغربي ومنتخب موزمبيق بتقدم السبوعا.

الشوط الاول من الماتش اللي ملعبو فـ هاد اللحظات من مساء اليوم الجمعة فـ تيران طنجة الكبير، سالا بنتيجة واحد لزيرو لمصلحة المنتخب المغربي ماركاه عز الدين اوناحي من تسديدة واعرة فـ الدقيقة 7.

الجولة الاولة من الماتش عرفت استحواذ على الكورة من طرف المنتخب الوطني المغربي، وكان يقدرو اللاعبين المغاربة يخرجو رابحين بكثر من هدف، ولكن مازال ناقصهم الفاعلية قدام الشبكة ديال الخصم.

الماتش عارف حضور كبير ديال الجمهور اللي جا يحضر افتتاح تيران طنجة، واخا كاينة الشتا والبرد ولكن هذا الشي ما ممنعهومش يجيو للتيران يشجعو السبوعا.

https://www.facebook.com/share/v/14WHDdbGJpy/?mibextid=wwXIfr