وكالات//

في واقعة ماغاديش تطيح ليكم على البال، قرر واحد الشاب أنه يخبي الجثة ديال باه لمدة عامل كامل في الثلاجة، باش يتفادى المشاكل لي عندها علاقة بالورث.

على حساب ما جا في جورنال “كوريا هيرالد” فالجريمة بانت مللي قدم الشاب نفسو للبوليس، وعتارف ليهم بالجريمة لي دار.

وعلى الفور، مشاو البوليس للدار ديال المتهم لي العمر ديالو 40 عام  ولقاو الجثة ديال الأب ديالو.

ومقالش ليهم كيفاش نقل الجثة ديالو للدار ولكن عتارف أنه دار هادشي باش يواجه تعقيدات عندها علاقة بالورث مع الأسرة ديالو.

وغادي تدير السلطات الكورية الجنوبية عملية لتشريح الجثة باش تعرف بعدا كيفاش مات، والمتهم كيواجه تهمة إخفاء جثة.