وكالات//

البوليس ديال تايوان علنو أنهم شدو راجل متهم بأنه كان كيطلق القرطاس من بندقية هوائية بشكل متكرر على روض ديال الأطفال فـمنطقة وينشان فتايبيه، من بعد ما صدر فحقو حكم قضائي، حسب ما ذكرت وكالة الأنباء المركزية التايوانية.

وقالت الشرطة فبلاغ صحافي، إن المشتبه فيه سميتو هوانج، ساكن قريب من الروض، وكيدّعي أنه بدا كيضرب بالرشاش على الروض فآخر يناير اللي فات، حيث كان منزعج من الضجيج ديال الدراري.

ووضحات الشرطة أن هوانج فالأول كان كييستهدف الجدران الخارجية ديال المبنى ديال الروض، وهاد الشي ما تلاحظش فالبداية، حتى لقاو العاملين فالروض شراجم مهرسين وأنابيب ديال الما متضررين، وبلغو على الحادث نهار 21 يناير.