وكالات//

فاجآت المغنية البريطانية المشهورة آديل الجمهور ديالها الكبير لي حضر في الحفل ديالها لي دارتو في ميونخ الألمانية بعدما وقفات الحفلة ديالها لأكثر من 11 دقيقة.

وقررات آديل توقف الحفل ديالها باش تشوف السباق ديال 100 متر في الألعاب الأولمبية لي ملعوبة في العاصمة الفرانساوية باريس.

وقالت ليهم آديل ” أيه غادي نغني مزال ليكم هاد الليلة ولكن خليوني نشوف السباق هو الأول”.

وربحات جوليان ألفريد من سانت لوسيا الميدالية الذهبية، وخدات شاكاري ريتشاردسون الفضية وميليسا جيفرسون البرونزية.

وحضر لهاد الحفل ديال آديل أكثر من 80 ألف واحد، ووقف مرة ثانية بسبب الشتا.