كود سبور//

أكد أنس الزنيتي كابيتان الرجاء الرياضي أن تتويج الفريق بالدوبلي الموسم الماضي البطولة الاحترافية وكأس العرش ما كانش ساهل، وكشف أنه ضحى هو كلاعب على قبل هذا الشي، ووضح أن الهدف دابا ديال الخضرا هو دوري أبطال إفريقيا.

وفتصريح للموقع الرسمي ديال الرجاء الرياضي، قال أنس الزنيتي: “عانينا بزاف هاد العام باش ربحنا الثنائية، وعطيت كل وقتي للمجموعة والنادي، واسمحت فبزاف ديال الحوايج باش نكونوا قد المسؤولية اللي منحوها لينا المكتب والجمهور اللي كنحييه وكان الداعم الأول لينا”.

وكمل الزنيتي: “الحمد لله لقبين مهمين وتاريخيين عن جدارة واستحقاق، والهدف الأول ديالنا دابا هو عصبة الأبطال ألي أنا شخصيا متشوق ليها بزاف واللقب ألي باغي نديه، غنتقاتلو عليه”.