كود – سبتة //

قالت جريدة “إيل نويفو ديخيتال دي مورسيا” باللي المغاربة اللي عايشين فإسبانيا هما لولين فالأجانب اللي شراو ديور فـإقليم مورسيا ف 2025.

ووضّحات الجريدة باللي عدد الديور اللي تباعو فداك الإقليم فهاد العام فات 25 ألف و700 دار، ومنهم تقريباً 7700 دار شراوهم البرانيين، يعني  30% من مجموع عمليات البيع.

وزادت الجريدة باللي المغاربة هما أكثر جنسية برانية شراو العقار السكني، حيث شراو كثر من 700 دار، يعني تقريبا 10% من مجموع مشتريات الأجانب، وهي نسبة طالعة بجوج نقط على المعدل العام فإسبانيا، اللي فيه المغاربة شراو تقريبا 11 ألف دار.

وفسّرات هاد الإقبال باللي الجالية المغربية هي الأكبر بين الأجانب فإقليم مورسيا، حيث العدد ديالهم كيفوت 96 ألف واحد, أما على المستوى الوطني فإسبانيا جاو المغاربة هما التانيين فنسبة شراء العقارات بالنسبة للأجانب.