گود سبور//
ربح فريق نهضة الزمامرة الضيف ديالو المغرب التطواني، اليوم الاحد فتيران أحمد شكري بالزمامرة برسم الدورة 13 من البطولة الاحترافية لكرة القدم.
وسالا الماتش بين نهضة الزمامرة والمغرب التطواني بنتيجة 2 لزيزو لمصلحة الدكاليين، وماركا الأهداف ديالهم كل من سليمان بوشكالي فالدقيقة 10، وليد الصبار فالدقيقة 44.
وبهذه النتيجة خداو نهضة الزمامرة 3 بوان مهمة، رفع بها الفريق الرصيد بـ20 نقطة، وحتى لدابا راه هما من مفاجأة مرحلة الذهاب فالبطولة ومحتلين المركز الثاني مؤقتا، في انتظار يلعبو ليفار الماتش ديالهم المؤجل أما المغرب التطواني زادو غرقو بعد هذه الخسارة ومحتلين المركز قبل الأخير برصيد 10 نقاط.
وديما مع نفس الدورة ونفس اليوم، تعادلو اتحاد طنجة مع شباب المحمدية بنتيجة واحد لواحد فتيران القرية الرياضية فطنجة فماتش تلعب بلا جمهور.
وماراكاو شباب المحمدية هما الأولين فالماتش بواسطة أحمد غايلوف فالدقيقة 36، وقبل ما يماركيو اتحاد طنجة التعادل بواسطة حمزة الواسطي فالدقيقة 58.
وبهذه النتيجة قسمو الفراقي بجوج نقاط الماتش بنقطة لكل فريق، وولات عند اتحاد طنجة 15 نقطة ومحتلين المركز 11، وشباب المحمدية غارقين ومحتلين المركز الأخير بـ3 نقاط.