كود سبور//

سالاو الزمالك المصري الاستعدادات ديالهم للسفر إلى المغرب، باش يلعبو ماتش لالي ديال فينال كأس الكونفدرالية الأفريقية ضد نهضة بركان، وحددو اللاعبين اللي غايكون حاضرين فهاد الماتش.

ودارو الزمالك اليوم الاربعاء فالعشية آخر حصة تدريبة فمقر النادي فالقاهرة قبل من السفر غدا الخميس إلى المغرب، باش يلعبو لإلي ديال الفينال ضد نهضة بركان الويكاند الجاي.

واختار البرتغالي مانويل جوزي لاليست ديال الزمالك للسفر إلى المغرب، وفيها 23 لاعب، ومن أبرز الغيابات ديال الفريق  كل من كابيتان الفريق شيكابالا، ومصطفى شلبي، ومصطفى الزناري حيث موعتين، ومحمود علاء باختيار من المدرب، أما عبد الله السعيد وناصر ماهر، وسيف فاروق جعفر ما مكونفوكينش فلافريك.