كود ـ سبور//

كشفت مصادر فالزمالك المصري أن النادي المصري باغيين يشكرو لاعب نهضة بركان ياسين البحيري، حيث عتق اللاعب ديالهم دونگا فالفينال ديال كأس الكونفدرالية الأفريقية فتيران القاهرة الدولي، من إصابة خطيرة كانت غاتوقع له، وأن الأمر ماشي باش يسنيو معه كيفما تم الترويج له.

وأكد مصدر من الزمالك فتصريح لـ گود، فالنادي المصري باغيين يعرضو على ياسين البحيري لاعب نهضة بركان، لمصر وبالضبط للزمالك باش يكرموه ويشكروه حيث عتق اللاعب ديالهم دونگا اللي كان غايطيح على راسو بعدما تهز فالسما باش يضرب الكورة، ولكن عندو الزهر حيث ياسين البحيري عتقو ملي كان جاي طايح مقلوب وشدو وهبطو بشويا.

للإشارة فاللاعب المغربي ياسين البحيري داير البوز فمصر “الترند بالمصرية”، وهذا الشي بالروح الرياضية ديالو حيث عتق لاعب الزمالك المصري دونگا، وسبق سلامة اللاعب المنافس على التنافس فماتش ديال الفينال، وهادشي واخا نهضة بركان كانو خاسرين بواحد لزيزو فماتش سالا بتتويج الفريق المصري بلقب كاس الكونفدرالية الأفريقية.