كود سبور//

شدات بعثة الزمالك المصري المصري الطريق للمغرب، باش يلعبو الويكاند الجاي ضد نهضة بركان لالي ديال فينال كاس الكونفدرالية الافريقية.

بعثة الزمالك المصري اللي على راسها رئيس النادي حسين لبيب، خدات قبل لحظات من صباح اليوم الخميس الطيارة من مطار القاهرة الدولي وجايين إلى المغرب، وسط اجواء زوينة.

ومن المنتظر يوصلو الزمالك هاد العشية للمغرب، ويمشيو يرتاحو فلوطيل اللي غايگلسو فيه فالسعيدية باش يرتاحو من السفر، ويبداو يوجدو للفينال ضد نهضة بركان اللي غايتلعب الاحد الجاي فتيران بركان.