كود سبور//

صبح الدولي المغربي عبد الصمد الزلزولي لاعب ريال بيتيس الإسباني ولد لاكاديمي ديال البارصا، مرشح باش ينتقل من بطولة إسبانيا إلى بطولة النكليز خلال الميركاتو الشتوي الجاي.

وكشفت جريدة “موندو ديبورتيفو” المقربة من البارصا، أن أستون فيلا النكليزي مهتمين بعبد الصمد الزلزولي، وأن المدرب ديالو أوناي إيمري عاجبو اللاعب المغربي ومتبعو وهو خيار أول لهم كمهاجم يسني معاهم فالميركاتو الشتوي الجاي.

نفس المصدر، وضح ان البارصا اللي عندهم خيار 20 مليون أورو يخلصوها لريال بيتيس إذا بغاو يرجعو عبد الصمد الزلزولي من ريال بيتيس، بعدما باعو لهم العقد ديالو الصيف الماضي، كيراقبو الوضع مزيان ديال النجم المغربي حيث عندهم نسبة 50٪ إذا تباع العقد ديالو من بيتيس لفريق آخر.