كود سبور//
توعت الدولي المغربي عبد الصمد الزلزالي فنهائي دوري المؤتمر الأوروبي، والفريق ديالو ريال بيتيس الإسباني خسر اللقب مع تشيلسي النگليزي.
عبد الصمد الزلزولي وبعدما تألق فالشوط الأول من النهائي بين ريال بيتيس وتشيلسي فتيران مييسكي فبولندا، وماركا هدف التقدم للفريق الإسباني فالدقيقة 9، توعت فالشوط الثاني وما قدرش يكمل الماتش وخرج فالدقيقة 53، وقدرو تشيلسي يرجعو فالماتش وماركاو 4 أهداف باش ربحو وداو الكاس.
للإشارة فعبد الصمد الزلزولي مهدد بهذه الإصابة بالغياب على المنتخب الوطني المغربي ضد كل من تونس وبنين فجوج ماتشات وديين خلال التوقف الدولي المقبل، في انتظار معرفة مستوى وخطورة الإصابة اللي عندو.
