ندى الكارم – كود//

المغربي عبد الصمد الزلزولي لعاب البارصا عبر على السعادة ديالو حيت غايلعب فالمنتخب الوطني المغربي.

الزلزولي اكد فتصريح للموقع الرسمي للجامعة الملكية المغربية لكرة القدم، رغبة العناصر الوطنية فتحقيق الأهم و يربحو الكونگو الديمقراطية لحساب الدور الفاصل المؤهل لنهائيات كأس العالم الجاي فقطر.

و ختم الزلزولي التصريح ديالو ب: “كانطلب الجماهير المغربية باش يعاونونا و يدعمونا باش نحققو الرباح و ديما مغرب”.

المنتخب المغربي غادي يواجه منتخب الكونگو، الجمعة الجايا بكينشاسا فالذهاب, أما الروتور غادي يكون نهار الثلاثاء فالمركب الرياضي محمد الخامس فكازا.