كود سبور//

برا الدولي المغربي عبد الصمد الزلزولي من الإصابة اللي خلاتو يغيب على ريال بيتيس الأيام الماضية، وما لعبش ضد ريال مدريد السبت اللي فات فبطولة الصبليون.

ورجع عبد الصمد الزلزولي يتريني مع ريال بيتيس، وشارك البارح الاثنين فالتداريب ديال الفريق الأندلسي، باش يريكيبيري الحصص اللي فاتوه على المستوى البدني ويرجّع لافريشور فيزيك.

وكايوجد عبد الصمد الزلزولي مع ريال بيتيس لماتش لاس بالماس الاحد الجاي برسم الدورة 27 من لاليگا، في انتظار واش غايكون حاضر فلاليست ديال المنتخب المغربي ضد كل من النيجر وتنزانيا برسم الجولتين 5 و6 من اإقصائيات مونديال 2026.