كود سبور//

واصل الدولي المغربي عبد الصمد الزلزولي التألق مع ريال بتيس الاسباني، وساهم فالرباح اللي حقق الفريق على هيرنيك الاوكراني ضمن الدور التمهيدي لمسابقة الكونفرونس ليگ.

وتألق عبد الصمد الزلزولي فالماتش بين ريال بتيس وهيرنيك اللي سالا بفوز الفريق الإسباني بنتيجة 3 لزيزو، وماركا منها الزلزولي 2 أهداف وعطى أسيست ديال الهدف الثالث.

وفاق عبد الصمد الزلزولي ملي شارك مع المنتخب المغربي الاولمبي فأولمبياد باريس وربح معه الميدالية البرونزية، وقدر يرجع للمستوى ديالو، ويقدم عروض قوية مع ريال بتيس وخدا الرسمية.