كود سبور- نيوجيرسي//

عبر الدولي المغربي عبد الصمد الزلزولي على الحزن ديالو حيث ما غاديش يلعب كاس العالم 2026، مع المنتخب الوطني المغربي، بسبب الإصابة اللي تعرض لها فالماتش الودي ضد النرويج الاحد اللي فات.

وقال عبد الصمد الزلزولي فتدوينة على إنستغرام: “بغيت نشكر الجميع على رسائل الدعم والمحبة اللي تلقيتها خلال الأيام القليلة الماضية، إن غيابي عن بطولة بهذه الأهمية ضربة قوية، ولا أنكر أنها مؤلمة. ولكن في الأوقات العصيبة، يكون الإيمان والصبر والامتنان أثمن ما نملك. الحمد لله على كل شيء”.

وكمل الزلزولي وقال: “اللي كايعرفني عارف بلي أنا ما كانستسلمش، وغادي نخدم كل يوم بقوة وحماس أكبر من أي وقت مضى، باش نرجع أقوى وحسن، وكانتمنى التوفيق لمنتخبنا الوطني، وراني تايق فيهم بلي غادي يمثلو بلدنا بفخر، وكانطلب جميع المغاربة يوقفو وراهم ويشجعوهم”.