كود سبور//

كينافس الدولي المغربي عبد الصمد الزلزولي على جائزة أحسن لاعب إفريقي شاب لعام 2023، واللي غيعطيها الاتحاد الإفريقي الاثنين الجاي 11 دجنبر فحفل فمراكش.

واختار الكاف الاعب المغربي عبد الصمد الزلزولي فلاليست فينال ديال أحسن لاعب شاب فلافريك 2023، أما المغربي الاخر بلال الخنوس خرج من اللائحة بعدما كان حتى هو مرشح، وإلى جانب الزلزولي كاين فلاليست فينال كل من السنغاليين لامين كامارا، وأمارا ديوف.

ومرشح عبد الصمد الزلزولي بقوة يربح أحسن لاعب إفريقي شاب بعدما وصل مع المنتخب المغربي لدومي فينال كاس العالم فقطر، وربح كأس إفريقيا لأقل من 23 عام مع المغرب وتأهل مع الأشبال للألعاب الاولمبية 2024.