كود سبور//

أكد الدولي المغربي عبد الصمد الزلزولي أنه هو اللي بغا يمشي من البارصا ماشي الفريق اللي صيفطو بحالو، حيث ما عجبوش الحال يبقى فالاحتياط.

وكشف عبد الصمد الزلزولي فتصريح له على هامش التقديم ديالو من فريق جديد ريال بيتيس، أن البارصا قالوا له يبقى معهم، ولكن ملي شاف راسو ما لعبش تيتيلور فأول 3 الماتشات ديال الفريق فالبطولة الإسبانية، قرر يخرج يقلب على راسو حيث باغي يلعب تيتيلور.

ومشى عبد الصمد الزلزولي بصفة نهائية من البارصا إلى ريال بيتيس وسنا مع فريق مدينة إشبيلية الأندلسية، حتى لعام 2027، مع العلم أن البارصا دارو فعقد انتقال اللاعب تسهيلات لهم إلى بغاو يرجعوه فالمستقبل.