وكالات //
نايضة الروينة هاد اليامات في مدينة ريدانج الفرانساوية لي كاينة فالحدود بين فرسا وبلجيكا، بسباب واحد القضية كبيرة ديال الزبل.
على حساب مقال الجورنال ديال “لوفيغارو” الاثنين، غادي يتعرضو على المحكمة 10 ديال الناس متاهمينهم بأنهم مسؤولين على رمي 250 طن ديال الزبل دبلجيكا بطريقة غير قانونية فالمدينة الفرانساوية.
هاد الزبل كان هو ردم ديال البني وشي مخلفات اخرى ديال شي مواد صناعية، وتسبب في تلوث التربة وحتى الجو في المدينة.
دابا القضية دايرة روينة ف البلاد حينت الفرانساويين مرضاوش يلوحو ليهم الزبل ديال بلجيكا ف بلادهم.
كتقول الصحافة أن الشبكة لي فيها 10 ديال الناس خداو فلوس من شي جهات ف بلجيكا باش يتخلصو من الزبل بطريقة غير قانونية ولاحوه ففرنسا.
