كود سبور//

دخل فريق إتحاد طنجة فمعسكر مغلق خارج مدينة البوغاز وذلك لاسترجاع الثقة المهزوزة داخل الفريق إستعدادا لماتش الفتح الرياضي الأحد الجاي، فالجولة 6 من البطولة الإحترافية لكرة القدم.

وقرر إتحاد طنجة تحت إشراف المدرب بادو الزاكي يدير معسكر فمدينة الدار البيضاء، والغاية منو مراجعة الأوراق من بعد الانطلاقة الكارثية ديال الفريق هذا الموسم، واللي خسر فيه إلى حدود الآن ملي بدات البطولة 4 الماتشات من 4 لعبهم وكيحتل المركز الأخير بزيرو بوان، وعندو ماتش مؤجل مع الوداد الرياضي.

وبداو اللعابا ديال إتحاد طنجة مع بادو الزاكي كيوجدو فكازا فانتظار يوصل يوم الأحد اللي غاديين يدبلاصاو فيه إلى العاصمة الرباط لمواجهة الفتح فتيران الأمير مولاي الحسن، مع العلم أن العصبة برمجت الماتش المؤجل ديال الفريق مع الوداد عن الجولة 5، الأربعاء الجاي 19 أكتوبر فمدينة طنجة.