الوالي الزاز -گود- العيون ///

[email protected]

هدر وليد الرگراگي قبل قليل على ماتش نصف نهائي كأس الأمم الأفريقية ضد نيجيريا وتأهل الأسود للفينال على حسابها بضربات الجزاء.

وقال وليد الرگراگي إن الماتش كان صعيب لأن نيجيريا قوية بزاف، مضيفا أنهم “عذبونا بزاف” وعاد الماتش كان يكون ديال الفينال.. ديال الكاس.

وأوضح وليد الرگراگي، أن هاد الماتشات كيتلعبو على التفاصيل الصغيرة، واللاعبين دارو كلشي باش يماركيو ولكن ما كتابش، والمنتخبين ستاهلو يمشيو للتعادل.

وأشار وليد الرگراگي إلى أن الماتش كان كبير ونيجيريا كانت أحسن منتخب منذ بداية البطولة مع المنتخب المغربي.

وأضاف وليد أنه دابا خاص الاستعداد لماتش الفينال ضد السنگال واخا كاين التعب بزاف ولكن غادي نريكيبيريو باش نفرحو الشعب المغربي اللي كيستاهل كأس أفريقيا.

وتابع وليد الرگراگي أن المنتخب كان عارف القوة الهجومية ديال نيجيريا واللاعبين اللي عندو ولكن اللاعبين تمكنوا من الحد من خطورتهم، مشيدا بآداء اللاعبين والتزامهم بالتعليمات ديالو وانضباطهم.