گود سبور//

أكد الناخب الوطني وليد الركراكي ان النجم المغربي اشرف حكيمي متحمس باش يلعب كاس افريقيا مع المنتخب الوطني المغربي من الماتش الاول ضد جزر القمر يوم 21 ديسمبر 2025، وانه كايوجد لهذا الشي بعدما كان توعت قبل حوالي شهر.

وقال وليد الركراكي على اشرف حكيمي فـ تصريح نشراتو شبكة RMC الفرنسية: “لاباس عليه، وكايخدم مزيان ومجتهد، راه متحمس باش يلعب الماتش الاول، وخدم مزيان ملي توعت وما وقفش”.

وكمل الركراكي وقال: “هو صريح مع راسو وعندو مواقف زوينة وهو كابيتان ديالنا واللي رابح الكورة الذهبية وكانتمناو يكون حاضر من الماتش الاول”.